الهداف نبض الحدث، صوت الهداف”
كتب- رجب يونس
كسر أحمد مصطفى زيزو، لاعب الفريق الأول لكرة القدم بالنادي الأهلي، صمته وردّ برسالة مطولة عبر حسابه الشخصي على “إنستجرام”، على خلفية الهجوم والتنمر الذي يتعرض له مؤخرًا عقب انتقاله إلى القلعة الحمراء قادمًا من الزمالك.
وكان زيزو قد انضم إلى صفوف الأهلي خلال فترة الانتقالات الصيفية الجارية، في صفقة انتقال حر بعد نهاية عقده مع نادي الزمالك، وهو ما أثار موجة من الانتقادات ضده من قبل بعض الجماهير.
وفي ستوري نشرها عبر “إنستجرام”، تساءل زيزو مستنكرًا:”السؤال الوحيد والأوحد اللي مش عايز يطلع من دماغي ونفسي ألاقي ليه إجابة، هو بجد لما حد يخوض في عرض الناس ويشتم ويتنمر عليهم، دا بيرجع عليه بإيه؟”.
تابع زيزو:”هل بيرجع البيت يلاقي بيته اتغير؟ هل بيلاقي العربية اللي نفسه فيها؟ هل أولاده وصلوا للمكان اللي بيحلم به؟ هل والده ووالدته عاشوا حياة يستحقوها؟ مش قادر أستوعب الموضوع، بلاش أنت، الشخص اللي بتخوض في عرضه ده، هل بعد ما شتمته وتنمرت عليه، حياتك اتغيرت؟ نفس البيت؟ نفس الشغل؟ نفس العربية؟ الإجابة لا!”.
اختتم زيزو رسالته بدعوة للتفكير والتأمل، قائلاً:”فكر كويس، عشان والله ما في حاجة مستاهلة. اعرف إن رزقك مكتوب، وإنت اللي بتختار الطريقة اللي بيجيلك بيها، فخلي دايمًا طريقك كويسة، وافتكر إنها مش دايمة… صباحكم جميل”.
